بغلان ولایت ته د عامې روغتیا وزیر سفر
![MOPH](/sites/default/files/2024-05/whatsapp_image_2024-05-12_at_19.44.02_acfb4127.jpg)
د عامې روغتیا وزیر، ښاغلي قلندر عباد او ورسره مل پلاوي د بغلان ولایت د بغلان ولسوالۍ مرکزي روغتون له یو شمېر څانګو څخه لیدنه ترسره او هم یې د روغتیایي خدماتو ښه والي په موخه روغتیایي پرسونل سره ناسته وکړه.
په دغه ناسته کې د بغلان ولسوالۍ روغتون پرسونل د عامې روغتیا وزیر ښاغلي قلندر عباد ته د روغتیایي خدماتو په اړه معلومات ورکړل او هم یې خپل وړاندیزونه ورسره شریک کړل.
د عامې روغتیا وزیر ښاغلي قلندر عباد د وروستي ناورين په کنټرول کې د روغتیايي پرسونل او همکارو اداراتو عاجله رسیدګي او مرستې وستایلې او د سیلابونو څخه وروسته د راتلوونکي ممکنه ناروغیو د شیوع د کنترول په منظور يې مسئولینو ته لازمې سپارښتنې وکړې او د دوی د ستونزو د حل ډاډ یې ورکړ.