د ا.ا.ا. د عامې روغتیا وزیر، ښاغلي مولوي نور جلال جلالي په خپل کاري دفتر کې د اروپایي ټولنې لپاره د منځني ختیځ له رئیس، پټریس اوسټوبس او مرستیالې پولا پامپای سره لیدنه ترسره کړه
دې لیدنه کې په افغانستان کې د روږدو او سرطاني ناروغیو درملنې مرکزونو د تمویل، روغتیايي کارکوونکو ظرفیت لوړولو او روغتیايي سیسټم د پیاوړتیا اړوند خبرې ترسره شوې.
د عامې روغتیا وزیر، ښاغلي مولوي نور جلال جلالي د افغانستان روغتیا برخې سره د اروپایي ټولنې له مرستو مننه وکړه او له هغوی یې وغوښتل، چې د روغتیايي سیسټم په هغو برخو کار وکړي چې روغتیا وزارت ته لومړیتوب لري، چې له ډلې یې د روږدو او سرطاني ناروغیو درملنې مرکزونو تمویل او د روغتیايي کارکوونکو ظرفیت لوړول دي.
بل لور د اروپایي ټولنې مسؤلینو د افغانستان روغتیايي برخه کې په موجوده شفافیت خوښي څرګنده او د روغتیایي سیسټم پیاوړتیا برخه کې یې د دوامدارو همکاریو ډاډ ورکړ.
