په هرات کې د درملو سکتور ستونزو په اړه ناسته ترسره شوه
د عامې روغتیا وزارت د داخلي تفتیش رئیس، مولوي محمد سلیم حقاني هرات ولایت ته د سفر په ترڅ کې د دغه ولایت د درملو پلورونکو اتحادیې له رهبري پلاوي سره ليدنه وکړه
په دې لیدنه کې د درملو پلورونکو د شته ستونزو د حل، په ځانګړې توګه د جواز ورکولو، د درملیزو خدمتونو وړاندې کولو او د عامې روغتیا وزارت د قوانینو د تطبیق په اړه بحث او خبرې وشوې
همدارنګه، په دې ليدنه کې د اتحادیې غړو د درملو د تولید او وارداتو برخو کې د سوداګرو ستونزې او ننګونې مطرح کړې.
په پای کې دواړو لورو خلکو ته د باکیفیته او مناسب قیمت لرونکو روغتیایي خدمتونو پر وړاندې کولو ټینګار وکړ او د عامې روغتیا وزارت پلاوي ژمنه وکړه، چې د قوانینو په چوکاټ کې به لازمې همکارۍ ترسره کړي.
