د تېرې یوې اوونۍ په ترڅ کې (۲۹۷۱) ډوله درملو او خوراکي توکو د کیفیت تثبیت ترسره شو
د عامې روغتیا وزارت خوړو او درملو معینیت اړوند، خوړو او درملو د کنټرول او کیفیت مرکزي لابراتوار د تېرې یوې اوونۍ په ترڅ کې (۲۹۶۴) ډوله درمل او ۷ ډوله خوراکي توکي تجزیه کړي، چې له ډلې یې ۲۱ ډوله منفي او ۱۷۲ ډوله د بېلا بېلو لاملونو له کبله بېرته رد شوي او د ذکر شویو نمونو له تحلیل څخه (۲۰۱۲۶۱۴) افغانۍ د حکومت حساب ته جمع شوي دي.
د یادونې وړ ده، چې په دې وروستیو کې په قانوني توګه د درملو او خوراکي توکو وارداتو برخه کې د اسانتیا له امله د نمونو شمېر هم زیات شوی او په نږدې راتلونکي کې به د خوړو او درملو د کنټرول او کیفیت په موخه د هېواد په څلورو زونونو کې ستر او مجهز لابراتوارونه پرانیستل شي.
