د ا.ا.ا د عامې روغتیا وزیر، ښاغلي مولوي نور جلال جلالي او مل پلاوي د یاد وزارت له لوري د "یو روغتیایي کارکوونکی، یو نیالګی" تر شعار لاندې د نیالګیو کښېنولو پیل شوي کمپاین کې ګډون وکړ
د عامې روغتیا وزیر، د سرطان ناروغۍ نوي جوړېدونکي روغتون انګړ کې د څو نیالګیو په کښېنولو سره وویل: پاک او له ناروغیو خوندي چاپېریال لرلو لپاره باید نیالګي کښېنول شي، ترڅو موږ ټول له ناروغیو خوندي او سالم پاتې شو.
همدارنګه، د عامې روغتیا ښاغلي وزیر له ټولو روغتیاپالانو څخه وغوښتل، چې د عامې روغتیا وزارت له لوري د نیالګیو کښېنولو پیل شوي کمپاین کې برخه واخلي او د یو نیالګي په کېنولو سره خپل مسؤلیت ادا کړي.
