تورخم کې د بېرته راستنېدونکو هېوادوالو لپاره د روغتیایي خدمتونو پراختیا په موخه غونډه وشوه
یاده غونډه چې د ننګرهار عامې روغتیا رئیس، مولوي امین الله شریف په مشرۍ ترسره شوه، په کې د روغتیا نړیوال سازمان، یونیسیف، جک تطبیق کوونکې مؤسسې او د یو شمېر نورو مؤسسو استازو ګډون درلود.
په دغه غونډه کې بېړنیو پېښو ته د غبرګون او چمتووالي، بېرته راستنېدونکو هېوادوالو ته د روغتیایي خدمتونو پراختیا او د شته ستونزو حل په اړه خبرې وشوې.
دغه راز، پرېکړه وشوه چې د روغتیایي مرکزونو او روغتیایي پرسونل شمېر کې به زیاتوالی راشي؛ تر څو د بېرته راستنېدونکو هېوادوالو روغتیایي ستونزو ته پر وخت رسېدنه وشي.
