ننګرهار سیمه ییز روغتون کې د ښځينه ناروغانو لپاره د فزیوتراپي څانګه پرانیستل شوه
د یادې څانګې پرانیست مراسمو کې د ننګرهار مرستیال والي مولوي عزیز الله مصطفی، د عامې روغتیا رئیس مولوي امین الله شریف، د اقتصاد رئیس مولوي عطاءالرحمن فاتح، ختیځ کې د ناروې کمېټې مشر ډاکټر امین الله حکمت او یو شمېر نورو مسؤلینو ګډون درلود.
دغه څانګه د افغانستان لپاره د ناروې کمېټې (NAC) په مالي همکارۍ جوړه او ګټې اخیستنې ته وسپارل شوه، چې د ۱۰ تنه ښځینه مسلکي او ۴ تنه خدماتي پرسونل په لرلو سره به ښځینه ناروغانو ته د فزیوتراپي برخه کې ټول اړین خدمات وړاندې کوي.
