د اکمال تخصص لوی ریاست د اکاډمیک چارو د همغږۍ ریاست مسؤلینو د ایمرجنسي تخصصي روغتون له مسؤلینو ناسته تر سره کړه
دا ناسته د تخصص برنامې پیاوړتیا او د ایمرجنسي روغتون د ټریني ډاکټرانو د ستونزو حل په موخه ترسره شوه او په دې روغتون کې د تخصص پروګرام د ښه والي لپاره د دواړو لورو ترمنځ هراړخیز بحثونه هم وشول.
په دې ناسته کې لازمې پرېکړې هم وشوې، چې په کې لاندې موضوعات شامل وو:
- د IUC فوق تخصص برنامه باید د تعلیمي کال سره سم پیل شي.
- د یاد روغتون د تخصصي څانګو د نصاب باید بیاکتنه شي.
- د یاد روغتون د خالي ټرینري بستونو لپاره باید د اکمال تخصص لوی ریاست د ازادې سیالۍ ازموینې له لارې وړ کسان معرفي کړي.
- د نرسانو لپاره د مسلکي تخصص پروګرام باید د هېواد د اړتیاوو سره سم، د دواړو ادارو په همکارۍ رامنځته شي.
- د ماشومانو د داخلې طب څانګې د ستونزو حل لپاره د یاد روغتون د بهرني متخصص اسناد باید ژر تر ژره د اکمال تخصص لوی ریاست لخوا وارزول شي.
- روغتون مکلف دی چې تخصصي نصاب په سمه توګه پلي کړي او د نصاب سره سم د ټریني ډاکټرانو د روزنې دورې مخ ته یوسې.
- د ګمارنې وړاندې، بهرني اتباع باید د دوی د تخصص اسناد د روغتون لخوا د اکمال تخصص لوی ریاست له لارې طی مراحل او وارزوي.
