په کابل کې له خصوصي روغتونونو او کلینیکونو څخه نظارت ترسره شو
د عامې روغتیا وزارت د روغتیایي خدمتونو د څارنې او پلټنې رئیس ډاکټر کریم الله حلیمي او ګډ نظارتي کمېټې د کابل ولایت په اتمه ناحیه کې له یو شمېر خصوصي روغتونونو او کلینیکونو څخه نظارت ترسره کړ
دغه نظارت چې موخه یې د روغتیایي خدمتونو کیفیت لوړول، هېوادوالو ته په معیاري ډول د روغتیايي خدمتونو وړاندې کول او په چارو کې شفافیت رامنځته کول دي، په ترڅ کې یې ډاکټر کریم الله حلیمي او مل تخنیکي ټیم له یو شمېر خصوصي روغتونونو او کلینیکونو څخه لیدنه وکړه او د هغوی خدمات یې وڅارل.
همدارنګه، د روغتونونو جوازونه وکتل شول، ستونزې او نیمګړتیاوې یې په نښه او د حل په موخه له اړوندو مسؤلینو سره شریکې شوې او هغوی ته سپارښتنه وشوه، چې هېوادوالو ته د ۱۰۸۴ مقررې سره سم معیاري او باکیفیته خدمات وړاندې کړي.
