د عامې روغتیا وزارت د «دعوت اصول» تر سرلیک لاندې علمي سیمینار ترسره کړ

rasooli_admin
چهارشنبه ۱۴۰۵/۲/۳۰ - ۱۵:۵۳
moph

د عامې روغتیا وزارت د ارشاد او دعوت ریاست له لوري د مرکز او ولایتونو د ارشاد او دعوت مسؤلینو ته د «دعوت اصول» تر سرلیک لاندې په حضوري او انلاین بڼه یو علمي سیمینار ترسره شو

دغه علمي سیمینار د چارو د لا ښه همغږۍ او د دعوت د اصولو په موخه تر سره شو، چې په کې د امر بالمعروف، نهی عن المنکر او د شکایتونو اورېدلو وزارت د ارشاد او دعوت رئیس، مفتي داد محمد بریال عطایي، د عامې روغتیا وزارت د دعوت او ارشاد رئیس مولوي محمد قاسم حقاني او یو شمېر علماوو په حضوري او آنلاین ډول ګډون کړی و.

مفتي داد محمد بریال عطایي په دې غونډه کې څرګنده کړه، چې یو دعوتګر باید خپل پیغام خلکو ته په حکمت، نرمۍ او خیرخواهۍ ورسوي. نوموړي همداراز د دعوت د اصولو د مراعتولو اهمیت، د دعوتګر ځانګړنې، د پوهاوي د اغېزمنو لارو چارو او د عامې روغتیا په برخه کې د اصلاحي او ارشادي فعالیتونو د پیاوړتیا په اړه هر اړخیز معلومات وړاندې کړل.

د دغه علمي سیمینار په پای کې ګډونوالو ژمنه وکړه، چې د دعوت د اصولو د لا ښه تطبیق او د ارشاد او دعوت فعالیتونو د پرمختګ لپاره به خپلې هڅې لا زیاتې کړي.

تازه خبرونه

پنجشنبه ۱۴۰۵/۸/۲۸ - ۹:۸
Background image

په ننګرهار کې د ډینګي ناروغۍ د کنټرول او مخنیوي فعالیتونه وارزول شول

د عامې روغتیا وزارت رهبرۍ د لارښوونې پر اساس د ملاریا او نورو ناقله ناروغیو آمر، ډاکټر حزب‌الله فطرت په مشرۍ ټاکل شوې کمېټې د ننګرهار عامې روغتیا رئیس، مولوي امین‌ الله شریف او د تطبیق. . .

پنجشنبه ۱۴۰۵/۸/۲۸ - ۹:۳
Background image

د عامې روغتیا وزارت د مالي او اداري چارو مرستیال د دغه وزارت د تدارکاتو ریاست له کارکوونکو سره ناسته وکړه

د عامې روغتیا وزارت د مالي او اداري چارو مرستیال ښاغلي قاري عبدالولي صدیقي د دغه وزارت د تدارکاتو رئیس مولوي عبدالقدیر نذیر او د ياد ریاست له کارکوونکو سره په ناسته کې د کاري چارو ښه. . .

پنجشنبه ۱۴۰۵/۸/۲۸ - ۹:۰
Background image

د عامې روغتیا وزارت د خوړو او درملو معینیت د دویمې ربعې د فعالیتونو او کړنو د ارزونې غونډه ترسره شوه

د عامې روغتیا وزارت د خوړو او درملو معینیت د روان کال د دویمې ربعې د فعالیتونو او کړنو د ارزونې غونډه، د خوړو او درملو مرستیال ښاغلي مولوي حمدالله زاهد، د یاد معینیت د رئیسانو، مشاورينو. . .

BACK TO NEWS