د غضنفر طبي ژورنال، اوومې ګڼې لپاره د مقالې منل !
د غضنفر طبي ژورنال
د طبي ژورنال پېژندنه:
د غضنفر طبي ژورنال په ۲۰۱۶ لمریز کال کې د روغتیا برخې متخصصینو له لوري د افغانستان د عامې روغتیا ملي انسټیټیوټ د عامې روغتیا د څېړنې او کلینیکي مطالعاتو ریاست تر چتر لاندې پیل شو.
دې ژورنال له ۲۰۱۶ څخه تر ۲۰۲۳ پورې د روغتیا په برخه کې د ګڼ شمېر علمي او څېړنیزو مقالو په خپرولو سره د څېړونکو په منځ کې یو معتبر مقام ترلاسه کړی دی.
د غضنفر طبي ژورنال موخې د علمي-څېړنیزو مقالو خپرول دي، چې د څېړنې کچې او په علمي او تعلیمي برخو کې د څېړنې بنسټیز کولو کې مرسته کوي، د څېړونکو او علمي مرکزونو ترمنځ د اړیکو لپاره یو مناسب پلیټ فارم رامینځته کول او څېړنه د روغتیايي ټولنې د غړو د علمي کچې د ښه کولو لپاره د نویو علمي او څېړنیزو لاسته راوړنو کارول دي.
د افغانستان د عامې روغتیا ملي انسټېټیوټ د عامې روغتیا د څېړنو او کلینیکي مطالعاتو ریاست د غضنفر طبي ژورنال اوومه ګڼه خپروي، چې د روغتیا بېلا بېل موضوعات به منعکس کړي، نشر ته سپاري. له همدې امله، د عامې روغتیا وزارت له ټولو اړوندو ادارو، د روغتیا سکټور څانګو، ملي او نړیوالو ادارو څخه چې په افغانستان کې یې څېړنې یا سروې ګانې ترسره کړي او غواړي چې خپرې یې کړي، هیله کېږي چې خپلې علمي او څېړنیزې مقالې په پورته ذکر شوي ژورنال کې د خپرولو لپاره د gmj@moph.gov.af برېښنالیک ته واستوئ.
د مقالې د منلو شرایط:
- د مقالې محتوا د دې نشریې له موخو سره سمون لري.
- مقاله باید علمي او څېړنیز اړخ ولري.
- مقاله باید شاوخوا ۲۰۰۰ څخه تر ۳۰۰۰ کلمو پورې وي.
- مخکې په هېڅ کورني یا بهرني نشراتو کې نه وي خپور شوی او نه هم په ورته وخت کې نورو ژورنالونو ته سپارل شوی وي.
- مقاله باید په انګلیسي (امریکایي بڼه) یا د هېواد په یوه ملي ژبه (پښتو او دري) وي.
- مقاله باید باوري سرچینې ولري.
- موضوع باید د عامې روغتیا وزارت د روغتیايي ستونزو او لومړیتوبونو په پام کې نیولو سره ولیکل شي، چې د روغتیایی کارکوونکو ترمنځ د پوهاوي لوړولو کې اغېزمن رول ولوبوي، ولیکل شي.
اړیکه: +۹۳ ۷۸۵۰۹۲۹۷۶ - +۹۳۷۴۴۴۱۱۳۱۱
