بادغیس ولایت کې د ټولنې روغتيايي ناظرینو (CHS) لپاره درې ورځنی روزنیز پروګرام په بریالیتوب سره پای ته ورسېد
دغه پروګرام د عامې روغتیا ریاست له لوري تنظیم شوی و، چې موخه یې د روغتيايي ناظرینو د مسلکي وړتیاوو لوړول او د ټولنې په کچه د روغتيايي خدمتونو کیفیت ښه کول دي.
د دې درې ورځو په ترڅ کې ګډونوالو ته د مهمو موضوعاتو لکه: د روغتيايي رضاکارانو د نظارت په برخه کې CHS رول او مسؤلیتونو، د روغتیايي پوستو د فعالیتونو ارزونې طریقو، د راپور ورکولو سیستم او د معیاري چکلېستونو کارولو، د ټولنې په کچه د روغتيايي ستونزو پېژندنې او پر وخت راجع کولو، د ټولنې روغتيایي رضاکارانو او اساسي روغتيايي مرکزونو ترمنځ د همغږۍ پیاوړتیا برخو کې زده کړې ورکړل شوې.
