بادغیس ولایت کې روغتیايي کارکوونکو ته ۴۸ عرادې موټرسایکلونه وویشل شول
چهارشنبه، ۴/ ۱۴۰۱
د بادغيس ولايت عامې روغتيا رييس مولوي محمد آصف قانت په دغه ولايت کې روغتيايي کارکوونکو ته د ٤٨ موټرسايکلونو د وېش خبر ورکړ.
د بادغیس د عامې روغتیا رییس زیاته کړه، چې ام ام آرسي د ملګرو ملتونو د ماشومانو د ملاتړ صندوق (یونیسف) په مالي مرسته په بادغیس ولایت کې د روغتیايي کارکوونکو د ترانسپورتي ستونزو د حل په موخه ۴۸ موټرسایکلونه مرسته وکړه.
ښاغلي قانت زیاته کړه، چې د دغو موټرسایکلونو ټولیز لګښت څه باندې درې میلیونه افغانۍ دی او دغه موټرسایکلونه به سیمه ییزو روغتیايي مسوولینو او واکسیناتوران ته ورکړل شي، تر څو په ستونزمنو سیمو کې په اسانۍ سره روغتیايي خدمتونه وړاندې کړي.
