خوست او هرات ولایتونو کې له یو شمېر روغتیایي مرکزونو، درملتونونو او د خوراکي توکو پلورنځیو څخه نظارت تر سره شو
دغه نظارت د یادو ولایتونو د عامې روغتيا رياستونو د څارنې او پلټنې مسؤلینو له لوري ترسره شو، چې پایله کې یې د خوست ولایت دوهمه او څلورمه ناحیه کې څلور روغتیایي مرکزونه او درې درملتونونه له روغتیایي قوانینو څخه د سرغړونې له امله وتړل شول او د هرات ولایت شپږمه ناحیه کې ۱۰۰ کیلو ګرامه له نېټې تېر او بې کیفیته خوراکي توکي راټول او د له منځه وړلو په موخه مرکزي ګودام ته ولېږدول شول.
