د ا.ا.ا د عامې روغتيا وزير، ښاغلي مولوي نور جلال جلالي په خپل کاري دفتر کې د نورستان والي سره ناسته ترسره کړه
په دې ناسته کې د نورستان والي قاري زین العابدین د یاد ولایت د روغتیايي برخې اړوند معلومات وړاندې او هم یې د روغتیايي خدماتو ښه والي په موخه یو شمېر وړاندیزونه د حل په موخه ښاغلي وزیر سره شریک کړل.
دغه راز، د نورستان والي د دې ولایت په مرکز کې د جوړېدونکي ۳۰ بستریز روغتون د تعمیراتي چارو په اړمعلومات وړاندې کړل، چې رغنیزې چارې یې تقریبأ بشپړېدونکي دي.
د عامې روغتيا وزير، ښاغلي مولوي نور جلال جلالي په یاده ناسته کې د شریک شویو ستونزو د حل سربېره ډاډ څرګند کړ، چې نورستان ولایت کې به د عمومي روغتونونو (GH) چارې هم ژر پیل شي.
