د ا.ا.ا. د عامې روغتیا وزیر، ښاغلي مولوي نور جلال جلالي او مل پلاوي سمنګان ولایت ته د خپل سفر په ترڅ کې د ولایتي روغتون داخله او انتاني څانګو له خدماتي بهیر څخه لیدنه وکړه
د عامې روغتیا وزیر، ښاغلي مولوي نور جلال جلالي، چې د مقام دفتر لوی رئیس شیخ محمد طاهرحلیم، د سمنګان عامې روغتیا رئیس مولوي لطف الله حبیبي او مل پلاوي هم شتون درلود، د ولایتي روغتون داخله او انتاني څانګو له بېلابېلو برخو څخه لیدنه ترسره، ستونزې یې په نښه او د حل په موخه یې د روغتون مسئولینو او روغتیایي کارکوونکو سره د یوې ناستې پرمهال شریکې کړې.
په دې ناسته کې د سمنګان ولایتي روغتون مسئولینو او کارکوونکو یادو برخو ته د جدي پاملرنې ژمنه وکړه او د عامې روغتیا له وزیر سره یې خپلې غوښتنې شریکې کړې.
ښاغلي وزیر، روغتیایي کارکوونکو او مسئولینو ته ډاډ ورکړ، چې امکاناتو ته په کتو سره به یې غوښتنو ته رسېدنه ترسره شي.
