د ا.ا.ا د عامې روغتیا وزیر، ښاغلي مولوي نور جلال جلالي هرات ته د سفر په ترڅ کې د کتلوي معافیت له نوې جوړې شوې ودانۍ او سوړ زنځیر څخه لیدنه وکړه
د عامې روغتیا وزیر، د یادې ودانۍ او سوړ زنځیر په جوړېدو خوښي څرګنده، دا یې د واکسین په برخه کې ارزښتمن ګام وګاڼه او ویې وویل، کوښښ کوو چې د روټین واکسین په تطبیق سره د ساري ناروغیو مخنیوی وکړو، د کوم لپاره چې د سوړ زنځیر او کتلوي معافیت برخې پیاوړي کول اړین دي
ښاغلي وزیر همداراز زیاته کړه، تطبیق کوونکي مؤسسې او اړونده ادارې باید د واکسین په برخه کې په پوره اخلاص او مسلکیتوب سره خپل فعالیتونه تر سره کړي؛ تر څو زموږ کوچنیان د ساري ناروغیو څخه وژغورل شي.
