د ا.ا.ا د عامې روغتیا وزیر، ښاغلي مولوي نور جلال جلالي په خپل کاري دفتر کې د بغلان له والي، ښاغلي عبدالرحمن حقاني سره لیدنه ترسره کړه
په دې لیدنه کې بغلان ولایت کې د نويو روغتیايي مرکزونو جوړېدو، با کیفیته روغتیايي خدمتونو وړاندې کېدو او پراختیا اړوند خبرې وشوې.
د بغلان والي په دغه ولایت کې د نویو روغتیايي مرکزونو جوړېدو، ځینو روغتیايي مرکزونو ته د ارتقاء ورکولو او د روغتیايي خدمتونو د کیفیت ښه والي او پراختیا غوښتنه وکړه.
د عامې روغتیا وزیر، ښاغلي مولوي نور جلال جلالي په یاد ولایت کې د نویو روغتیايي مرکزونو جوړېدو او د روغتیايي خدمتونو د کیفیت ښه والي ډاډ څرګند او ویې ویل، هڅه مو شروع کړی، چې د روغتیايي خدمتونو پراختیا په موخه د هېواد په ۳۱۸ ولسوالیو کې عمومي روغتونونو جوړ کړو؛ تر څو ټولو هېوادوالو ته مساویانه او معیاري خدمتونه وړاندې شي.
