د ا.ا.ا. د عامې روغتیا وزیر، ښاغلي مولوي نور جلال جلالي په خپل کاري دفتر کې د غزني له والي، مولوي عبدالصمد جاوید سره لیدنه ترسره کړه
په دې لیدنه کې چې د غزني د عامې روغتیا رئیس ډاکټر محمد زرک ځیرک هم شتون درلود، د سیمه ییز روغتون تعمیر د پاتې چارو بشپړېدو، روغتیايي خدماتو د پراختیا او کیفیت ښه والي، راتلونکي کال لپاره د بودیجې زیاتوالي او په روغتیايي مرکزونو کې د شته ستونزو حل اړوند خبرې ترسره شوې.
د غزني والي، په یاد ولایت کې د ناروغانو ستونزو ته د رسېدنې په موخه د حوزوي روغتون پاتې چارو بشپړېدل، راتلونکي کال لپاره د بودیجې زیاتوالی او شته ستونزو حل اړین وباله او د روغتیا وزارت له رهبرۍ څخه یې د پاملرنې غوښتنه وکړه.
ښاغلي وزیر، د نوموړي غوښتنې واورېدې د خدماتو د پراختیا او ستونزو د حل ډاډ یې ورکړ.
د یادونې وړ ده، چې د غزني سیمه ییز روغتون پاتې چارې به په نږدې راتلونکي کې بشپړې شي.
