د ابن سینا عاجل روغتون ډاکترانو او متخصص ټرینرانو ته د ډیټابیس سیسټم د عملي کولو په اړه څلور ورځنی ورکشاپ ترسره شو
دا څلور ورځنی ورکشاپ د اکمال تخصص لوی ریاست د ډیټابیس امریت تخنیکي ټیم له لوري د ډیټابیس سیسټم د ازمایښتي تطبیق (Pilot testing) په موخه په ابن سینا عاجل روغتون کې ترسره شو، چې په کې ټولو ټريني ډاکترانو او متخصص ټرينرانو ګډون درلود.
په دغه پروګرام کې ګډونوالو له ډیټابیس سیسټم سره تر بلدتیا وروسته خپلو نظرونه او وړاندیزونه د یاد سیسټم د لا ښه والي لپاره شریک کړل او د دې سیسټم له زده کړو او د کارونې له لارو چارو څخه مستفید شول.
د اکمال تخصص لوی ریاست د ډیټابیس امریت د ترتیب شوي پلان له مخې ټاکل شوې ده، چې دغه پروګرام به په مرکز او ولایتونو کې هم په ټولو تخصصي روغتونونو کې عملي شي.
