د افغانستان ا.ا. د عامې روغتيا وزير، ښاغلي مولوي نور جلال جلالي په خپل کاري دفتر کې د افغانستان لپاره د يونيسيف ادارې له مشر، ښاغلي ډاکټر تاج الدين اوېلا او مل پلاوي سره ناسته ترسره کړه
د دې ناستې پر مهال چې د ياد وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او د مقام مشاورينو هم شتون درلود، د روغتيايي خدمتونو ارزونې په موخه د ګډ نظارت لازم ترسراوي، د يونيسیف ادارې له لوري د تمويلېدونکو تطبيق کوونکو مؤسسو د فعاليتونو ښه والي، ستونزو او نیمګړتیاوو حل په اړه بحث او خبرې ترسره شوې.
د عامې روغتيا وزير د تطبيق کوونکو مؤسسو په فعاليتونو او خدمتونو کې د شته ستونزو او نیمګړتیاوو پر ژر حل ټينګار وکړ او په ياده برخه کې يې د يونيسیف ادارې لا زياته پاملرنه او همکاري اړينه وبلله.
همدا راز، د روغتیايي خدمتونو وړاندې کولو مرستیال په ننګرهار ولایت کې د تطبيق کوونکو مؤسسو له فعاليتونو او خدمتونو څخه د ترسره کړي نظارت په اړه د يونيسیف ادارې مسؤلینو سره معلومات شريک کړل.
بل لور د يونيسيف ادارې مشر په ياده برخه کې د همغږۍ او همکارۍ ډاډ څرګند او ويې ويل: د یو مکتوب له لارې به د ګډ نظارت لپاره تاسې ته خپل استازي در معرفي کړو؛ څو د ګډ نظارت چاری په منظم ډول ترسره شي.
