د افغانستان اسلامي امارت د عامې روغتیا وزارت د تخصصي او ثالثي روغتونونو رئیسانو ته د روغتونونو د غوره مدیریت په اړه روزنیز ورکشاپ ترسره شو
![moph](/sites/default/files/2024-03/whatsapp_image_2024-03-02_at_1.12.45_pm.jpeg)
په یاد روزنیز ورکشاپ کې د رهبرۍ د برخو، د ناروغ خوندیتوب او د ناروغیو د پېښو مدیرت په اړه ګډونوالو ته بشپړ معلومات وړاندې شول.
د عامې روغتیا وزارت د تخصصي او ثالثي روغتونونو رئیس، ډاکټر وحدت الکوزي د یاد روزنیز ورکشاپ موخې ناروغانو ته د معیاري روغتیايي خدماتو وړاندې کول او په روغتونونو کې د روغتیايي پرسونل ظرفیت لوړول یاد کړل او ویې ویل، په یاد روزنیز ورکشاپ کې د مرکز کابل او ولایاتو ۲۲۵ تنو ته روزنه ورکول شوه.
د تخصصي او ثالثي روغتونونو رئیس، همداراز وویل یاد روزنیز ورکشاپ به په نږدې راتلونکي کې د روغتونونو د اداري برخې کارکوونکو، داکټرانو او نرسانو ته هم په لاره واچول شي.
له بل لوري د روغتیا نړیوال سازمان استازي په روغتونونو کې د روغتیايي خدمتونو د کیفیت د ښه والي په موخه د روغتیايي کارکوونکو ظرفیت لوړول مهم وبلل او د معیاري روغتیايي خدمتونو په وړاندې کولو کې يې د ورته ورکشاپونونو په اغېزمنتوب ټینګار وکړ.
د یادونې وړ ده، چې دا لومړی ځل دی چې په هېواد کې د روغتونونو د غوره مدیریت په موخه داسې روزنیز ورکشاپ په لاره اچول شوی و.