د افغانستان اسلامي امارت د عامې روغتیا وزارت مالي او اداري معین، مولوي محمد اسحق صاحبزاده ، او د يو شمېر نورو مسؤولینو له لوري د معتادینو ۵ زره بستریز کمپلېکس پرانېسته ترسره شوه
یاد کمپلېکس چې د افغانستان اسلامي امارت د داخلي بوديجې څخه د نږدې ۷۰ میلیونه افغانیو په لګښت سره جوړ شوی ده د ۵ زره کسانو د درملنې ظرفیت لري چې عصري حمامونه، خوړنځای او په نورو اړینو روغتیايي وسایلو سمبال دی.
د یادونې وړ ده چې د یاد کمپلېکس خدماتي چاري به د عامې روغتیا وزارت او نور همکار وزارتونه په ګډه پرمخ وړي.