د اندارګاندي ماشومانو د درملنې روغتون څخه د تخصص ټیم لیدنه تر سره کړه

rasooli_admin
سه‌شنبه ۱۴۰۳/۳/۲۲ - ۱۴:۳۶
MOPH

د عامې روغتیا وزارت د اکمال تخصص عمومي رئیس، ډاکټر محمد حیدر عمر او ورسره مل ټیم د تخصص په برخه کې د شته نیمګړتیاوو له منځه وړلو، د ټرینر متخصصینو او ټریني ډاکټرانو ستونزو ته د رسېدو په موخه د اندراګاندي ماشومانو درملنې روغتون څخه لیدنه ترسره کړه

په دې لیدنه کې د اکمال تخصص عمومي رئیس، ډاکټر محمد حیدر عمر د تخصصي برنامو د معیاري کولو او د اکمال تخصص ریاست اهدافو ته د رسېدو په موخه د اندراګاندي روغتون مسؤلینو سره بحث او خبرې ترسره کړې.

نوموړي همداراز مسؤلینو ته د کریکولم د اهمیت له مخې د Logbook،bedside teaching ،Morning report، Morning visit، Case presentation مضامینو د تطبیق په اړه هر اړخیزې خبرې ترسره کړې؛ ترڅو په اړه یې لازم پلان شوي اجراات ترسره شي.

سربېره پر دې د څارنې بهیر بشپړولو په موخه د یاد روغتون له رهبرۍ او اړوند مسؤلینو غوښتنه وشوه، ترڅو د اکمال تخصص ریاست له هیئت سره، چې تر شپږو ورځو به په دې روغتون کې پر څارنې بوخت وي هر اړخیزه همکاري وکړي.

د یادونې وړ ده، چې د عامې روغتیا وزارت د اکمال تخصص ریاست، تل هڅه کړې، چې د تخصصي برنامو د بډایه کولو او ډاکټرانو د پوهې کچې لوړولو په موخه هغه علمي معیارونه او سټندردونه پلي کړي، چې له مخې یې هېوادوالو ته معیاري روغتیايي خدمتونه وړاندې شي.

تازه خبرونه

پنجشنبه ۱۴۰۳/۱۱/۱۸ - ۱۲:۵۳
Background image

جوزجان او نیمروز کې له خصوصي روغتیايي سکټور څخه نظارت ترسره شو

د جوزجان او نیمروز روغتیايي مسؤلینو له لوري په یادو ولایتونو کې د خصوصي روغتیايي سکټور څخه نظارت ترسره شو، چې په پایله کې يې په جوزجان کې ۱۵ درملتونونه، ۴ کتنځایونه او ۲ لابراتوارونه د. . .

پنجشنبه ۱۴۰۳/۱۱/۱۸ - ۱۲:۲۵
Background image

یو شمېر روغتیايي کارکوونکو ته د ټرینرانو لپاره ټریننګ (TOT) تر عنوان لاندې پنځه ورځنی روزنیز ټریننګ ترسره شو

د عامې روغتیا وزارت غیر ساري ناروغیو د کنټرول او وقایې ډیپارټمنټ له لوري د ټولنې په کچه یو شمېر روغتیايي کارکوونکو ته د ټرینرانو لپاره ټریننګ (TOT) تر عنوان لاندې پنځه ورځنی روزنیز. . .

پنجشنبه ۱۴۰۳/۱۱/۱۸ - ۱۲:۱۸
Background image

د پولیو له منځه وړلو پروګرام د مشرتابه غړو اوونیزه ناسته ترسره شوه

یاده ناسته د پولیو له منځه وړلو ملي بېړني عملیاتي مرکز رئیس، الحاج ډاکټر عبدالقدوس بریالي په مشرۍ ترسره شوه، چې په کې د پولیو واکسین کمپاین د پوښښ زیاتولو په موخه له درې ورځو څخه څلورو. . .

BACK TO NEWS