د بلخ ولایت عامې روغتيا رياست د روږدو درملنې سل بستريز روغتون کې د روان کال له پيل تر دې دمه د ۴۳۰ تنو روږدو کسانو درملنه شوې ده
د ياد روغتون امر، ډاکټر نياز محمد جويا وايي، په دغه روغتون کې د روان کال په تېرو اوو مياشتو کې (۴۶۶) تنه روږدي راجستر او بستر شوي، چې له ډلې یې (۴۳۰) تنه روغ شوي، (۵۳۳) تنه تر څارنې لاندې نيول شوي، (۵۱۵) تنو د مشورې خدمتونه ترلاسه کړي او (۷۲۵۵) کسانو ته عامه پوهاوی ورکړل شوی دی.
دغه راز، شاوخوا ۸۰ تنه روږدي ناروغان په ياد روغتون کې اوسمهال تر درملنې لاندې دي.
