د تخار عامې روغتیا ریاست سره د یو شمېر طبي او غیر طبي وسایلو مرسته
پنجشنبه، ثور ۲۹/ ۱۴۰۱
د تخار ولایت د عامې روغتیا رئیس ډاکټر عبدالقهار احمدي د دغه ولایت د عامې روغتیا ریاست ته د ۲۴ میلیونه افغانیو په ارزښت د یوه اندازه طبي او غیر طبي وسایلو د پېرلو اعلان وکړ.
ډاکټر احمدي زياته کړه، چې دغه وسايل د BDN دفتر په همکارۍ او په افغانستان کې د يونيسف دفتر او د نړيوال روغتيايي سازمان په مالي مرسته اخيستل شوي دي.
د تخار ولايت د عامې روغتيا رييس په افغانستان کې دBDN، يونيسف او د روغتيا د نړيوال سازمان له همکاريو څخه د مننې په ترڅ کې وويل: دغه تجهيزات به د دغه ولايت په ولسواليو کې په څلورو روغتونونو او ٨٠ روغتيايي کلينيکونو وويشل شي.
