د حیاتي احصایې د معلوماتو طرزالعمل دوه ورځنی تخنیکي ورکشاپ پرانیستل شو
یاد ورکشاپ کې د عامې روغتیا وزارت د څارنې او پلټنې لوی رئیس، ډاکټر عنایت الله عنایت، اړوندو مسؤلینو او روغتیا نړیوال سازمان استازو ګډون درلود، چې په کې د حیاتي احصایې د معلوماتو طرزالعمل او یو روښانه لارښود نهایي کولو په اړه خبرې وشوې؛ تر څو د روغتیايي مرکزونو له لارې د مړینو پېښې دقیقې، منظمې او معیاري ثبت شي.
د څارنې او پلټنې لوی رئیس د ورکشاپ پرانیستې پر مهال وویل، چې د حیاتي احصایې معلوماتو منظم ثبت د عامې روغتیا وزارت تـــه د ښې پالیسۍ جوړولو، تصمیم نیونې، روغتیایي خدماتو ارزونې او د ناروغیو مخنیوي برخه کې بنسټیز ارزښت لري.
