د خوراکي توکو، درملو او روغتيايي محصولاتو د قاچاق د مخنيوي قانون دريم فصل، څلورويشتمه ماده څلورمه فقره
که د خوراکي توکو درملو او روغتیایی محصولاتو توریدوونکی شرکت په خپلو معياري ګودامونو کې قرنطين شوي توکي د عامې روغتيا يـــا کرنې وزارت د کيفيت د کنټرول لابراتوار د پایلو له رارسېدو نه مخکې له خپلو ګودامونو څخه وباسي او يايي وپلوري، د دې قانون له حكمونو سره سم لاندې تعزيري سزا وركول کېږي:
الف- په لومړي ځل د متخلف اړوند پلورل شوي اقلام له مارکيټ څخه راټولول او د دې قانون له حكمونو سره سم يې له منځه وړل.
ب- په دوهم ځل يې د يوې مياشتې لپاره، د درمليز مركز فعاليت ځنډول.
ج- د تکرار په صورت کې يې د تل لپاره، د درمليز مركز فعالیت بندول.
