د رواني روغتيا ملي او تحصصي روغتون د ارقامو د کیفیت څارنه ترسره شوه
د څارنې، ارزونې او روغتیايي معلوماتو لوی ریاست د روغتیايي معلوماتو د مدیریت سیسټم (HMIS) د تخنیکي ټیم له لوري په کابل کې د ملي او تخصصي روغتونونو د ارقامو د کیفیت ډاډ ترلاسه کولو په موخه د څارنې بهیر پیل کړی دی، چې د همدې لړۍ په دوام د رواني روغتیا ملي او تخصصي روغتون د ارقامو له کیفیت څخه هم څارنه ترسره شوه.
د دې څارنې موخه د روغتیايي خدمتونو د کیفیت لوړول، د شواهدو پر بنسټ د تصمیم نیونې لپاره د دقیقو او پر وخت معلوماتو راټولول او د ناسمو ارقامو څخه مخنیوی دی.
په دې ارزونه کې راپور شوي ارقام له ثبت شويو معلوماتو سره پرتله شول، د راپور ورکولو پروسه له نږدې وڅېړل شوه او د یاد روغتون کارکوونکو ته د روغتیايي ارقامو د مدیریت، کارولو او اهمیت په اړه روزنه ورکړل شوه.
د يادونې وړ ده، چې د څارنې دا لړۍ به په ټولو ملي او تخصصي روغتونونو کې تر سره کېږي او موندنې او د اصلاح وړ ټکي به له اړوندو ادارو سره هم شريک کېږي.
