د روغتیايي خدمتونو وړاندې کولو مرستیال د پنجشیر ولایت د ایمرجنسي روغتون څخه لیدنه وکړه
د افغانستان اسلامي امارت د عامې روغتیا وزارت د روغتیايي خدمتونو وړاندې کولو مرستیال، ښاغلي مولوي عبدالولي حقاني او ورسره مل پلاوي پنجشیر ولایت ته سفر په ترڅ کې د دغه ولایت د ایمرجنسي روغتون څخه لیدنه وکړه
د روغتیايي خدمتونو وړاندې کولو مرستیال د یاد روغتون د بېلابېلو برخو څخه د نږدې لیدنې سربېره د دغه روغتون له مسئولینو سره ناسته ترسره کړه.
ښاغلي مرستیال د ایمرجنسي روغتون له ترسره کېدونکو روغتیايي خدمتونو خوښي وښوده او مسئولینو ته یې د بشپړې همکارۍ ډاډ ورکړ.
د ایمرجنسي روغتون مسئولینو د روغتیا وزارت له رهبرۍ څخه مننه وکړه، چې د روغتیايي خدمتونو د ارزونې او ستونزو ته د رسېدنې په موخه یې دې ولایت ته سفر کړی.
