د روغتیایي خدمتونو د کیفیت ارزولو، د روغتیایي خدمتونو پلي کونکو مؤسسو مسؤلینو او روغتیایي شریکانو سره د لاهمغږۍ په پار غونډه ترسره شوه
د عامې روغتیا وزارت د مالي او اداري معینیت سرپرست ډاکټر عبدالقدیر قدیر؛ د یوې غونډې په ترڅ ګې د روغتیایي خدمتونو پلي کونکو او روغتیایي شریکانو له مسؤلینو سره د روغتیایي خدمتونو کیفیت ښه کولو د لا همغږۍ په اړه بحث او خبرې وکړې.
په دې ناسته کې لومړی، د مالي او اداري معینیت سرپرست په ټولو ولایتونو کې د کورونا ویروس اخته ناروغانو روغتونونو کې د اکسیجن پلان جوړولو او د پي سي آر ماشینونو فعالولو باندې یې ټینګار وکړ او په دې برخه کې یې د اړوندو مسؤلینو نه د جدي اقداماتو غوښتنه وکړه.
سربیره پردې، ډاکټر قدیر د روغتیایي خدمتونو وړاندې کولو کیفیت ښه کولو او د روغتیایي کارکونکو معاشونو په وخت تادیه کولو په اړه له ګډونوالو سره خبرې وکړې او لارښوونه یې وکړه چې د روغتیایي خدمتونو پلي کونکو مؤسسې او روغتیایي شریکان د قراردادونو مطابق چې د عامې روغتیا وزارت سره یې لري اجراات دې وکړي.
همدارنګه د روغتیایي خدمتونو پلي کونکو او روغتیایي شریکانو استازو ژمنه وکړه چې د عامې روغتیا وزارت سره به د اکسیجن پلان رامینځته کولو، د پي سي آر ماشینونه فعالولو، د کار کونکو معاشونه او د روغتیایي خدمتونو کیفیت ښه کولو په برخه کې به د عامې روغتیا وزارت سره هر اړخیزه همکاري وکړي او د قراردادونو مطابق چې له دوی سره شوي دي اجراات ترسره کوي.
له بلې خوا، دعامې روغتیا وزارت د مالي او اداري معینیت سرپرست د روغتیایي خدمتونو پلي کونکې مؤسسې او روغتیایي شریکان د یوسیسټم برخه وګڼله او زیاته یې کړه: "د روغتیایي خدمتونو وړاندې کولو په برخه کې چې تر دې دمه کوم خدمتونه وړاندې شوي دي ارزښتناک دي، مګر راځئ چې د لا ژمنتیا او ایماندارۍ سره اړمنو ته زیات لاسرسی وکړو.
