د روغتیا ملي ستراتیژۍ د مسودې نهايي کولو په موخه مشورتي غونډه تر سره شوه

په دې غونډه کې د عامې روغتیا وزارت د روغتيايي پراختيا او پاليسۍ مرستیال ښاغلي ډاکټر محمد حسن غیاثي، د مالي او اداري چارو مرستیال ښاغلي قاري عبدالولي صدیقي، د مقام د دفتر لوی رئیس الحاج شیخ محمد طاهر حلیم، د پلان او پالیسۍ لوی رئیس ډاکټر سید رسول منګل، د وزارت مرکزي رئیسانو، افغانستان لپاره د روغتيا نړيوال سازمان مشر ډاکټر ايډوين سينیزا سلواډور،  افغانستان لپاره د UNFPA سازمان مشر کوابينا اسانتي او د یونیسف او نورو ملي او نړیوالو همکارو بنسټونو استازو ګډون کړی و.

ښاغلي ډاکټر محمد حسن غیاثي وویل: ( د روغتیا ملي ستراتیژۍ اساسي موخه د روغتیايي سیسټم پياوړتيا، په روغتیايي برخه کې عدالت، د روغتیا خوندیتوب، د خدماتو کیفیت لوړول او د ادارو له لوري ځواب ویل دي).

ښاغلي مرستيال زیاته کړه، په دې غونډه کې د ستراتیژۍ د جوړښت بڼه، ستراتیژیکې موخې، وړ پایلې، ملي لومړیتوبونه، د مداخلو محورونه او وړاندیز شوي پروګرامونه په مفصل ډول وړاندې کېږي. موږ له ګډونوالو غوښتنه کوو، چې خپل نظرونه، وړاندیزونه او تخنیکي عملیاتي لیدلوري، په ځانګړي ډول د تطبیق، تحويل، نظارت او همغږۍ په برخو کې له موږ سره شریک کړي؛ تر څو دا سند په یو جامع، واقعي او تطبیقېدونکی سند بدل شي).

همداراز، شیخ محمد طاهر حلیم د روغتیا ملي ستراتیژۍ په اړه هر اړخیز معلومات وړاندې او ویې ویل: (نن ورځ د يوې سترې موخې لپاره ستراتیژي او دې هدف ته رسېدل یو لوی انتخاب دی، چې د بېلا بېلو زاویو له لارې کار کولو ته اړتیا لري او له نېکه مرغه موږ نن ورځ په دې برخه کې خپلې هڅې روانې ساتلي دي).

دغه راز، د پلان او پاليسۍ لوی رئيس، ډاکټر سید رسول منگل وویل: (د اسلامي امارت له راتګ وروسته روغتیا برخه کې د پام وړ پرمختګ شوی دی. خو ځینې ننګونې شته، چې د دې ستراتیژۍ د نهايي کولو او تطبیق له لارې حل کېږي او دا سند یو ژوندی او تطبیقېدونکی سند دی، چې د هېواد له واقعیتونو سره سمون لري).

بل لور، د ملي او نړیوالو ادارو استازو د روغتیا ملي ستراتیژۍ وروستۍ مسودې په اړه د‌ معلوماتو له تر لاسه کولو وروسته خپل نظرونه او وړاندیزونه شریک کړل او د عامې روغتیا وزارت سره یې د خپلو ادارو د همکارۍ ژمنې و