د شیخ زاهد روغتون ۳۸ تنو روغتیايي کارکوونکو ته د انتاناتو کنټرول او مخنیوي روزنه ورکړل شوه
د عامې روغتیا وزارت د ظرفیت لوړونې ریاست له لوري د شیخ زاهد روغتون د ۳۸ تنو روغتیايي کارکوونکو د مسلکي وړتیاوو او مهارتونو لوړولو په موخه د انتاناتو کنټرول او مخنیوي دوه ورځنی روزنیز پروګرام ترسره شو
دغه پروګرام چې د جوړېدو موخه یې د روغتیايي کارکوونکو د مسلکي ظرفیت پیاوړتیا او د باکیفیته روغتیايي خدمتونو وړاندې کول دي، په بهیر کې یې د انتاناتو مخنیوي او کنټرول، د روغتیا ساتنې اصولو رعایت، د ناروغیو د لېږد مخنیوي او د روغتون په چاپېریال کې د انتاناتو د کنټرول او مخنیوي (IPC) معیارونو د پلي کولو په اړه مهم او اساسي موضوعات په نظري او عملي ډول وړاندې شول.
