د عامې روغتيا وزارت له لوري د افغانستان د روغتیا دوهم ملي او نړيوال نندارتون د پيلېدو په تړاو خبري کنفرانس ترسره شو

rasooli_admin
یکشنبه ۱۴۰۵/۸/۳ - ۱۵:۳۱
MOPH

ياد نندارتون چې د روان کال د عقرب میاشتې په ۲۰مه نېټه به پيل او تر ۲۴ نېټې پورې به دوام ولري، په اړه يې جوړ شوي خبري کنفرانس کې د عامې روغتيا وزارت د روغتيايي خدمتونو وړاندې کولو مرستیال ښاغلي مولوي عبدالولي حقاني‌، د دغه وزارت يو شمېر مرکزي رئیسانو او د بېلابېلو ادارو مسؤلینو او استازو ګډون کړی و.

د عامې روغتيا وزارت د روغتيايي خدمتونو وړاندې کولو مرستیال، ښاغلي مولوي عبدالولي حقاني‌ راتلونکی نندارتون د تجربو شريکولو او د همکاریو پیاوړتیا لپاره يو مهم فرصت وباله او زياته يې کړه، د ملي او نړيوالو کاري شريکانو او مسلکي بنسټونو همکاري د روغتيايي خدمتونو پراختيا او معياري کولو برخه کې مهم رول لري.

همداراز، د درملو او روغتيايي محصولاتو د تنظيم لوی رئیس، مولوي عبدالبصير قانع، د شرکتونو، داخلي او نړیوالو توليدو فابريکو او د رسنيو له استازو څخه وغوښتل، چې راتلونکي نندارتون کې ګډون وکړي؛ څو هېوادوال د درملو او روغتيايي محصولاتو برخه کې له شوي پرمختګ خبر شي.

نوموړي زياته کړه، اوسمهال په هېواد کې ۱۱۷ توليدي کارخونې موجودې دي، چې څلورو یې د GMP تصديق پاڼې ترلاسه کړي او ۱۸ نورې د معيارونو د پوره کولو په حال کې دي.

د يادونې وړ ده، چې په دغه خبري کنفرانس کې د راتلونکي نندارتون د موخو، ګټو او اهميت په اړه معلومات وړاندې شول.

تازه خبرونه

چهارشنبه ۱۴۰۵/۸/۲۷ - ۹:۷
Background image

د عامې روغتيا وزارت د بېلابېلو مرکزي رياستونو کارکوونکو ته د ظرفيت لوړونې په موخه د اړتياوو ارزونې غونډه ترسره شوه

دا غونډه د عامې روغتيا وزارت په لوی تالار کې د دغه وزارت د کارکوونکو چارو لوی ریاست په همکارۍ د چارو ادارې لوی ریاست اړوند د افغانستان د ملکي خدمتونو انسټیټیوټ له لوري ترسره شوه، چې د. . .

چهارشنبه ۱۴۰۵/۸/۲۷ - ۹:۱
Background image

د ننګرهار عامې روغتیا رئیس له ازبکستاني پلاوي سره لیدنه وکړه

د ننګرهار عامې روغتیا رئیس، مولوي امین‌الله شریف، د ازبکستان د عامې روغتیا وزارت د درمل جوړونې صنعت د پراختیا ادارې له مرستیال ظفربیک قاسموف، په کابل کې د دغه هېواد له اقتصادي اتشې. . .

BACK TO NEWS