د عامې روغتیا وزارت او WHO ترمنځ د روغتیایي کڅوړو د بیاکتنې لپاره د SPDI ډشبورډ د کارونې په تړاو آنلاین غونډه تر سره شوه
د عامې روغتیا وزارت د روغتیایي پراختیا او پالیسۍ معینیت کې د روغتیا نړیوال سازمان له مسؤلینو سره د داشبورد Service Package Delivery & Implementation Platform د معرفي کولو او د روغتیایي کڅوړو د بیاکتنې او نوي کولو برخه کې د هغې د کارولو د څرنګوالي لپاره د رهبرۍ کمېټې انلاین غونډه تر سره شوه
په دې غونډه کې د عامې روغتیا وزارت د روغتیایي پراختیا او پالیسۍ مرستیال، ښاغلي ډاکټر محمد حسن غیاثي، د EPHS او BPHS روغتیایي کڅوړو د بیاکتنې لپاره د رهبرۍ او تخنیکي کمېټو غړو، د روغتیا نړیوال سازمان او یونیسف ادارې استازو ګډون کړی و.
د روغتیایي پراختیا او پالیسۍ مرستیال، ښاغلي ډاکټر محمد حسن غیاثي د EPHS او BPHS روغتیایي کڅوړو بیاکتنې او نوي کولو اهمیت او اړتیا په اړه معلومات وړاندې کړل او ټینګار یې وکړ، چې د SPDI داشبورډ کارول د دې وزارت د روغتیایي کڅوړو بیاکتنې په پروسه کې د تخنیکي کمېټې غړو لپاره یوه ښه وسیله کېدای شي.
هغه د روغتیايي سیسټم د پیاوړتیا او ښه والي په موخه د روغتیا نړیوال سازمان سره د نږدې همکارۍ په اړتیا هم ټینګار وکړ.
بل لور د روغتیا نړیوال سازمان مسؤلینو، د EPHS او BPHS روغتیایي کڅوړو د بیاکتنې او معیاري کولو برخه کې د نړیوالې همکارۍ اهمیت او د ملاتړ کوونکو سیسټمونو رول باندې ټینګار وکړ او د SPDI ډشبورډ کارول یې د روغتیایي کڅوړو په ګډون د مرکزونو له لوري د اړینو ګامونو، د روغتیایي خدماتو ډول، بشري سرچینو، اړینو درملو او تجهیزات ټاکلو لپاره یو اغېزمن ګام وباله او د افغانستان روغتیایي سیسټم د پیاوړتیا لپاره یې د دوی په دوامداره همکارۍ باندې ټینګار وکړ.
