د عامې روغتیا وزارت د اکمال تخصص په پروګرام کې په شرایطو برابر زده کوونکو څخه د شمولیت ازموینه واخیستل شوه

Panah_moph
پنجشنبه ۱۴۰۰/۱۰/۲۳ - ۱۶:۰
د عامې روغتیا وزارت د اکمال تخصص په پروګرام کې په شرایطو برابر زده کوونکو څخه د شمولیت ازموینه واخیستل شوه

پنجشنبه، مرغومې ٢٣/١٤٠٠ 

د عامې روغتیا وزارت د اکمال تخصص پروګرام کې په شرایطو برابر زده کوونکو ازموینه د عامې روغتیا وزارت د روغتیايي خدمتونو وړاندې کولو مرستیال ډاکتر عبدالباري عمر، د لوړو زده کړو وزارت او د ازموینو د ملي کمېټې د استازو په ګډون د یوې ناستې په ترڅ کې پرانیسته او واخیستل شوه.

د عامې روغتیا وزارت د روغتیايي خدمتونو مرستیال په هېواد کې د دغه پروګرام پیلېدل د ډاکترانو د مسلکي پوهې د کچې لوړولو په برخه کې یو اغېزمن ګام وباله او زیاته یې کړه، موږ په دې پروګرام کې د وړ کسانو د لار موندلو روڼتیا ته ژمن یو او هغه اشخاص چې لوړې نمرې ترلاسه کوي په دې پروګرام کې شامل شي.

ډاکتر عمر زياته کړه، چې د تخصص ازموینې د شمولیت پروګرام کې ٦٦٠٠ کسانو نوم لیکنه کړې، چې له دې جملې څخه له ٥٥٠٠ څخه زيات بايومټريک او ازموینه کې شامل شوي چې په دوی کې شاوخوا ١٨٠٠ اناث طبقه شاملې دي او په دې ازموينه کې د هغوى د لارموندنې  لپاره ځانګړی امتیاز هم په پام کې نيول شوی دی.

دغه راز د عامې روغتیا وزارت مرستیال، د اکمال تخصص پروګرام کې د ازموینې د اخیستو بهیر له نږدې وڅېړه او ژمنه یې وکړه هڅه کو چې د دې پروسې شفافیت تر پوښتنې لاندې رانه شي او هر څوک خپل حق ترلاسه کړي.

سربېره پردې ډاکتر عمر، د روغتيايي کارکوونکو د ظرفيتونو د لوړولو، د روغتيايي سيستم د معياري کولو، په هېواد کې د تخصصي کولو په اړه ګډنوالو ته خبرې وکړې او په بهر کې مېشتو متخصصينو څخه يې وغوښتل چې هېواد ته راستانه شي او خپلو خلکو ته دې خدمت وکړي ترڅو په کور دننه د درملنې اسانتیا رامنځته شي او بهر ته د ناروغانو له تګ څخه مخنیوی وشي.

د يادونې وړ ده، چې د اکمال تخصص پروګرام کې د شمولیت ازموینه د ازموينې ملي کمېټې او د عامې روغتيا وزارت د مشرتابه پلاوي لخوا په لاره اچول شوې، چې شاوخوا شپږ سوه تنه وړ کسان به د خپلې خوښې وړ څانګو ته لار پیدا کړي، چې پايلې به يې ډېر ژر د عامې روغتیا وزارت له پاڼو اعلان شي.

تازه خبرونه

شنبه ۱۴۰۱/۲/۳۱ - ۲۰:۴
Background image

له ملګري ملتونو، د روغتيا نړيوال سازمان او يونيسف له استازو سره د عامې روغتیا سرپرست وزير ، غونډه

شنبه، ثور ۳۱/ ۱۴۰۱

د عامې روغتیا سرپرست وزیر ډاکټر قلندر عباد، له ملګري ملتونو، د روغتيا نړيوال سازمان او يونيسف استازو سره په خپل کاري دفتر کې وکتل.

په دې کتنه کې، د عامې روغتیا. . .

پنجشنبه ۱۴۰۱/۲/۲۹ - ۹:۵۱
Background image

د تخار عامې روغتیا ریاست سره د یو شمېر طبي او غیر طبي وسایلو مرسته

پنجشنبه، ثور ۲۹/ ۱۴۰۱

د تخار ولایت د عامې روغتیا رئیس ډاکټر عبدالقهار احمدي د دغه ولایت د عامې روغتیا ریاست ته د ۲۴ میلیونه افغانیو په ارزښت د یوه اندازه طبي او غیر طبي وسایلو د پېرلو. . .

چهارشنبه ۱۴۰۱/۲/۲۸ - ۱۵:۴۱
Background image

په کاپيسا ولايت کې له پنځو ټنو څخه زيات بې کيفيته او تاريخ تېر خوراکي توکي راټول او له منځه يوړل شول

چهارشنبه، ثور ۲۸/ ۱۴۰۱

د کاپيسا ولايت د عامې روغتيا رييس ډاکټر موسى جان طه په دغه ولايت کې له پنځو ټنو څخه د زياتو بې کيفيته او تاريخ تېر خوراکي توکو د راټولولو خبر ورکوي.

دکاپيسا. . .

BACK TO NEWS