د عامې روغتیا وزارت د تخصصي او ثالثي روغتونونو رئیس، ډاکټر امین الله مومند او مل پلاوي له صدري ابن سینا ملي او تخصصي روغتون څخه نظارت ترسره کړ
د تخصصي او ثالثي روغتونونو رئیس په دې نظارت کې د یاد روغتون له بېلابېلو تشخیصيه، معالجوي او اداري څانګو څخه لیدنه وکړه، د ناروغانو احوال یې واخیست، د روغتیايي خدمتونو بهیر او شته امکانات یې وارزول او د چارو لا ښه تنظیم، د خدمتونو کیفیت لوړولو او شته ستونزو حل په موخه یې اړوندو مسؤلینو ته لازمې سپارښتنې وکړې.
همدارنګه، د ياد روغتون مسؤلینو خپلې ستونزې، اړتیاوې او وړاندیزونه له ډاکټر امین الله مومند سره شریک کړل او د نوموړي له لورې ورته د بشپړې رسېدنې او پاملرنې ډاډ ورکړل شو.
