د عامې روغتیا وزارت د خصوصي روغتیايي سکتور د مؤثرې څارنې لپاره آنلاین ډیټابیس سیستم معرفي کړ
د عامې روغتیا وزارت د څارنې او پلټنې لوی رئیس، ډاکټر عنایت الله عنایت په مشرۍ د خصوصي روغتیايي سکتور د مؤثرې څارنې او منظمو معلوماتو راټولولو په موخه یو آنلاین ډيټابیس سیستم معرفي شو
د یاد آنلاین ډيټابیس له لارې به د خصوصي روغتونونو، کلینیکونو، تشخیصیه مرکزونو، روغتیايي کتنځایونو، د غاښونو کلینیکونو او درملتونونو معلومات له مرکز او ولایتونو څخه د روغتیايي معلوماتو ملي سیستم (DHIS2) ته راټولیږي او د اجراآتو او پرېکړو لپاره به له اړوندو ریاستونو سره شریکېږي.
د یادونې وړ ده، چې دغه نوښت به په راتلونکي کې د روغتیايي معلوماتو د کیفیت لوړولو، شفافیت، اغېزمنتیا او د روغتیايي سیستم د پیاوړتیا برخو کې مهم رول ولوبوي.
