د عامې روغتیا وزارت د خوړو او درملو معينيت کې د ''صادراتو او وارداتو سيستم ډيجيټل کول'' تر سرليک لاندې درې ورځنی روزنيز پروګرام پيل شو
دغه پروګرام د روغتيا نړيوال سازمان (WHO) په همکارۍ پيل شو، چې اساسي موخه يې د کارکوونکو د ظرفيت لوړول، د مديريتي سيستمونو ښه والی، د شفافیت زياتوالی، د اجرائيوي بهيرونو چټکتيا او د صادراتو او وارداتو د پروسو معياري کول دي.
په دې پروګرام کې د خوړو او درملو معينيت ۴۴ تنه مرکزي او ولايتي کارکوونکي ګډون لري، چې د درملو او روغتيايي محصولاتو د صادراتو او وارداتو اړوند به تخنيکي او عملي زده کړې ترلاسه کړي.
