د عامې روغتیا وزارت د داخلي تفتیش رئیس په غزني کې د روغتیايي خدماتو د ښه والي په اړه خبرې وکړې
د عامې روغتیا وزارت د داخلي تفتیش رئیس، مولوي محمد سلیم حقاني او مل تخنیکي ټیم غزني ته د سفر په ترڅ کې د یاد ولایت له والي مولوي عبدالصمد جاويد سره لیدنه ترسره کړه
په دې لیدنه کې چې د روغتیایي خدماتو ښه والي او شته ستونزو د حل په اړه خبرې وشوې، د غزني والي مولوي عبدالصمد جاويد ژمنه وکړه، چې ولایتي اداره به له مرکزي ادارې سره په ګډه د روغتیا برخې پیاوړتیا لپاره هلې ځلې کوي او زیاته یې کړه، چې د عامې روغتیا وزارت مسؤلینو دا ډول سفرونه د ستونزو د حل او اسانتیاوو رامنځته کېدو لپاره مهم دي.
د داخلي تفتیش رئیس وویل، د روغتیایي خدماتو ښه والي په موخه به هر راز ستونزې په ګډه حلوي او هڅه کوي چې د غزني ولایت وضعیت ته په کتو روغتیا برخه کې د پام وړ بدلونونه راولي؛ تر څو خلکو ته لازمې اسانتیاوې رامنځته شي.
د یادونې وړ ده، چې یاد پلاوي د غزني عامې روغتیا ریاست د خوړو او درملو امریت او ځینو نورو روغتیایي برخو څخه هم ليدنې ترسره، شته ستونزې یې په نښه او د حل په موخه یې له اړوندو مسؤلینو سره شریکې کړې؛ ترڅو د خدماتو کیفیت لا ښه او اغېزمن شي.
