د عامې روغتیا وزارت د عدلي طب رئیس، مولوي نجیب الله فاروقي او مل تخنیکي ټیم بامیان ولایت ته د سفر په ترڅ کې د یاد ولایت د عامې روغتیا له رئیس سره لیدنه وکړه
په یاده لیدنه کې مولوي نجیب الله فاروقي د باميان ولایت د عامې روغتیا رئيس، ډاکټر جواد حکیمي سره د عدلي طب په اړه هر اړخیز بحث او خبرې تر سره کړې، چې د باميان د عامې روغتیا رئيس په دغه ولایت کې د عدلي طب څانګې د لا غوره مدیریت، تجهیز او اړوندو روغتیایي کارکوونکو د ظرفیت لوړونې غوښتنه وکړه؛ تر څو خلکو ته لازم او معیاري خدمات وړاندې شي.
دغه راز، د عدلي طب رئیس په یادو برخو کې د بشپړې همکارۍ ژمنه وکړه او ویې وویل، چې د عدلي طب د څانګو پیاوړتیا او لا زیات تجهیز لپاره به خپلو هڅو ته دوام ورکوي.
