د عامې روغتیا وزارت د نظارت رئیس، ډاکټر کریم الله حلیمي کندز ولایت ته د سفر په ترڅ کې د یو شمېر دولتي او خصوصي روغتونونو څخه نظارت ترسره کړ
یاد نظارت چې موخه یې د هېواد په دولتي او خصوصي روغتونونو کې د روغتیایي خدمتونو کیفیت لوړل، هېوادوالو ته په معیاري توګه د روغتیايي خدمتونو وړاندې کول او چارو کې شفافیت دی، په ترڅ کې یې ډاکټر کریم الله حلیمي او مل تخنیکي ټیم د ځینو دولتي او خصوصي روغتونونو له ټولو برخو څخه لیدنه وکړه، ستونزې او نیمګړتیاوې یې په نښه او حل په موخه له اړوندو مسؤلینو سره شریکې شوې.
د نظارت رئیس دغه راز، روغتیايي کارکوونکو ته سپارښتنې وکړې، چې د ناروغانو ستونزو ته د رسېدنې او درملنې برخو کې لا زیاتې هڅې وکړي.
