د عامې روغتیا وزارت رهبرۍ بورډ دیارلسمه ناسته ترسره شوه
یاده ناسته د عامې روغتیا وزیر، ښاغلي مولوي نور جلال جلالي په مشرۍ د وزارت مرستیالانو او رئیسانو په شتون کې ترسره شوه، چې په کې د تېرو ناستو د پرېکړو، تشکیلاتي جوړښت د ښه والي، د HMIS او DHIS2 سیستم، د ساحوي اپیډیمیولوژي برنامې د بیا ځلي پيل، د ادارو ترمنځ د لا زیاتې همغږۍ او ورته نورو مهمو موضوعاتو اړوند بحث او خبرې ترسره شوې.
د عامې روغتیا وزیر، ښاغلي مولوي نور جلال جلالي د ذکر شویو موضوعاتو د چارو چټکتیا په موخه بېلا بېلې تخنیکي کمېټې وګمارلې؛ ترڅو پر ټاکلي وخت او سمه توګه ورته رسېدنه وکړي.
دغه راز، د روغتیا وزارت مرستیالانو او مرکزي رئیسانو د هغه مسؤلیتونو راپور وړاندې کړ، چې د رهبرۍ شورا په تېره ناسته کې ورسپارل شوي وو همدارنګه د رهبرۍ له لوري ټینګار وشو، چې ذکر شویو موضوعاتو ته پر ټاکلي وخت رسېدنه ترسره شي.
