د عامې روغتیا وزیر، ښاغلي ډاکټر قلندر عباد بلخ ته د سفر په ترڅ کې د دې ولايت له والي، حاجي محمد يوسف وفا سره لیدنه ترسره کړه
د افغانستان اسلامي امارت د عامې روغتیا وزیر، ښاغلي ډاکټر قلندر عباد او ورسره مل پلاوي د دې سفر موخه د شمال زون د روغتیايي وضعیت د څرنګوالي، معیاري روغتیايي خدمتونو وړاندې کولو، د روغتیايي خدمتونو، روغتیايي کارکوونکو او د هېوادوالو روغتیايي ستونزې له نږدې څخه لیدنه ده.
د بلخ والي، حاجي محمد یوسف وفا د عامې روغتیا وزیر، ښاغلي ډاکټر قلندر عباد او ورسره مل پلاوي ته ښه راغلاست وویل او مننه یې وکړه چې د روغتیايي ستونزو د حل په موخه یې یاد ولایت ته سفر ترسره کړی.
