د عامې روغتیا وزیر، ښاغلي ډاکټر قلندر عباد په خپل کاري دفتر کې د ملگرو ملتونو د کډوالو چارو ادارې له استازي، ښاغلي لیونارډ زیلو سره لیدنه ترسره کړه
په دې لیدنه کې د بېرته راستنېدونکو کډوالو لپاره د نویو روغتیايي مرکزونو پر جوړېدو بحث او خبرې ترسره شوې
د عامې روغتیا وزیر، ښاغلي ډاکټر قلندر عباد په کور دننه مېشتو هېوادوالو ته د روغتیايي خدمتونو رسولو تر څنګ بېرته راستنېدونکو هېوادوالو ته د غوره روغتیايي خدمتونو رسول د دې وزارت دنده وبلله، او په همدې موخه یې د یادې ادارې همکاري اړینه وبلله.
له بل لوري د یادې ادارې استازي په دې برخه کې د همکارۍ ډاډ ورکړ او د دې ادارې په دوامداره همکاریو یې ټینګار وکړ.
