د عامې روغتیا وزیر د ختیځ میډیکل کمپلکس څخه لیدنه وکړه
د افغانستان اسلامي امارت د عامې روغتیا وزیر ښاغلي، مولوي نور جلال جلالي او ورسره مل پلاوي ننګرهار ولایت ته د سفر په ترڅ کې د ختیځ میډیکل کمپلکس څخه لیدنه وکړه.
په دې لیدنه کې چې د ننګرهار د عامې روغتیا رئیس مولوي امین الله شریف او یو شمیر نورو مسؤلینو یې ملتیا کوله د ختیځ میډيکل کمپلکس بېلابېلې برخې له نږدې ولیدې.
د عامې روغتیا وزیر ښاغلي، مولوي نور جلال جلالي د یادې لیدنې پرمهال وویل: د ختیځ میډیکل کمپلکس د پاتې چارو موضوع یې د اسلامي امارت له رهبرۍ سره شریکه کړې او د هغوۍ له لوري یې ډاډ تر لاسه کړی چې پاتې چارې به یې نږدې راتلونکي کې پیل شي.
