د عامې روغتیا وزیر د ملګرو ملتونو د وګړو صندوق له حوزوي مشر سره لیدنه تر سره کړه

rasooli_admin
دوشنبه ۱۴۰۳/۸/۱۴ - ۱۳:۴۴
MOPH

د افغانستان اسلامي امارت د عامې روغتیا وزیر، ښاغلي مولوي نور جلال جلالي په خپل کاري دفتر کې د ملګروملتونو د وګړو صندوق (UNFPA) له حوزوي مشر، ښاغلي پیو سمیت سره لیدنه تر سره کړه

په دې لیدنه کې په افغانستان کې د روغتیايي ځالو د زیاتولو، په سپینو سیمو کې د نویو روغتیايي مرکزونو جوړېدو، د ګرځنده روغتیايي خدمتونو د کیفیت ارزونې او ثابتو مراکزو ته بدلولو ، د مور او ماشوم برخې خدماتو کې د اسانتیاوو رامنځته کېدو، او په دې برخو کې د نړیوالو مرستو د جلب اړوند بحث او خبرې ترسره شوې.

د عامې روغتیا وزیر، ښاغلي مولوي نور جلال جلالي د افغانستان روغتیايي سیستم د پیاوړتیا لپاره د نړیوالو روغتیايي ادارو مرسته اړینه وبلله او د یاد سازمان له حوزوي مشر یې وغوښتل، چې د روغتیا وزارت سره په ګډه همغږۍ دې په هغه برخو کار وکړي، چې د وزارت له لومړیتوبونو څخه وي او په توسط یې هېوادوالو ته په غوره توګه روغتیایي خدمات وړاندې کېږي.

بل لور د یاد سازمان حوزوي مشر وویل: "موږ هڅه کوو، چې په افغانستان کې د خدمتونو د پراختیا په موخه روغتیايي ځالې زیاتې او په دې برخه کې خپلو چارو ته لا دوام ورکړو"

نوموړي همداراز د روغتیايي سیستم د پیاوړتیا په برخه کې د نړیوالو مرستو د جلب ډاډ ورکړ.

تازه خبرونه

شنبه ۱۴۰۴/۶/۸ - ۱۴:۲۴
Background image

د مرکزي او ولایتي روغتونونو ٣٠ تنه ډاکټرانو او نرسانو ته د ناروغیو کنټرول او مخنیوی (IPC)برخه کې څلور ورځنۍ روزنیز ټریننګ ورکړل شو

د عامې روغتیا وزارت د کارکوونکو چارو لوی ریاست اړوند د ظرفیت لوړونې ریاست له لوري د پوهاند غضنفر روغتیایي علومو انسټېټیوټ په تالار کې د خیر خانې ١٠٢ بستریز او کندهار، هلمند، سمنګان،. . .

شنبه ۱۴۰۴/۶/۸ - ۱۰:۵۹
Background image

هرات او زابل ولایتونو کې د درملو یو شمېر تولیدي کار خونو، درملتونونو او د خوراکي توکو پلورنځیو څخه نظارت ترسره شو

دغه نظارت د یادو ولایتونو د عامې روغتیا مسؤلینو له لوري ترسره شو، چې پایله کې یې ۳ درملتونونه او ۲ روغتیایي کتنځایونه د قانوني اسنادو نه لرلو له امله وتړل شول او هرات ولایت کې ۲۶ قلمه. . .

BACK TO NEWS