د عامې روغتیا وزیر د کار او ټولنیزو چارو وزارت د ټولنیزو چارو مرستیال سره لیدنه تر سره کړه
په دې لیدنه کې د کار او ټولنیزو چارو وزارت د ټولنیزو چارو مرستیال الحاج شيخ عبدالبر چې د روزنتونو رئیس یې هم ملتیا کوله په روزنتونونو کې د کوچنیانو لپاره د روغتیايي خدمتونو برابرېدو او لا پراخېدو په تړاو خبرې تر سره کړې
د عامې روغتیا وزیر ښاغلي، نورجلال جلالي روزنتونونو کې د روغتیايي خدمتونو په پراخېدو ټینګار وکړ او زیاته یې کړه چې د هېواد اړمنو او مظلومو بچیو لپاره به په روغتیايي مراکزو کې لا زیاتې اسانتیاوې رامنځته کړي.
ښاغلي، جلالي وویل د دې چارې لپاره به مرکزي او ولایتي مسئولینو ته سپارښتنه وکړي تر څو د روزنتونونو کوچنیانو لپاره روغتیايي خدمات پراخ او ځانګړې پاملرنه ورته وکړي.
