د عامې روغتیا وزیر په ننګرهار ولایت کې د تطبیق کوونکو مؤسسو له مسؤلینو سره وکتل
د افغانستان اسلامي امارت د عامې روغتیا وزیر، ښاغلي مولوي نور جلال جلالي او ورسره مل پلاوي ننګرهار ولایت ته د سفر پرمهال دې ولایت کې د یونیسیف او تطبیق کوونکو مؤسسو مسئولینو سره په روغتیايي برخه کې د یو شمېر ستونزو د حل په موخه ناسته ترسره کړه.
د عامې روغتیا وزیر، ښاغلي مولوي نور جلال جلالي په یاده ناسته کې د تطبیق کوونکو مؤسسو مسؤلینو ته په روغتیایي خدماتو کې د شته ستونزو د حل سپارښتنه وکړه.
بل لور د تطبیق کوونکو مؤسسو استازو ژمنه وکړه، چې په وخت به یادو شویو ستونزو ته رسېدنه وکړي او د غوره روغتیایي خدمتونو وړاندې کېدو لپاره به لازمې هڅې ترسره کړي.
