د هېواد له بېلابېلو ولایتونو څخه روغتیایي ټیمونه د کونړ ولایت زلزله ځپلو سیمو ته رسېدلي دي
دغه ټیمونه چې په امبولانسونو، طبي وسایلو او اړینو درملو سمبال دي، د درملنې او روغتیایي خدمتونو د وړاندې کولو لپاره چمتو دي.
یاد ټیمونه به خپلې چارې د سیمه ییزو مسوولینو په همغږۍ ترسره کوي او هڅه کوي چې له زلزله ځپلو کورنیو سره مرسته وکړي.
په دغو ټیمونو کې د عامې روغتیا رییسان، روغتیایي کارکوونکي او ځوان رضاکاران شامل دي، چې په ګډه بېړني او اړین روغتیایي خدمتونه زلزله ځپلو ته وړاندې کوي.
دغه هڅې د دې لپاره ترسره کېږي، چې د زلزله ځپلو کورنیو ستونزې کمې او د هغوی د ژوند شرایط ښه شي.
